دامەزرێنەر و بەڕێوەبەری جێبەجێکاری گرووپی کۆمپانیاکانی (نەهج العێراق و نەهج المەناڕ). خاوەنی 30 ساڵ ئەزموونی دەوڵەمەندە لە بەڕێوەبردنی کار لە کەرتی تایبەت و پەرەپێدانی بەردەوام. لێهاتووە لە دابینکردنی توانا و پێداویستییەکان بۆ بەدیهێنانی ئامانج و دیدگا پێشکەوتوو و چارەنوسسازەکان، و سەرکردایەتیکردنی تیمەکەی لەسەر بنەمای دڵسۆزی، بەشداریپێکردن و هاوبەشی ڕاستەقینە.

 خاوەن توانایەکی باڵایە لە خوێندنەوەی بازاڕ و نوێکردنەوەی تەکنیکە ستراتیژییەکان بۆ ئەوەی لەگەڵ گۆڕانکارییەکاندا بگونجێن و ڕووبەڕووی تەحەددییەکان ببێتەوە بە دیدگایەکی ڕوون و لۆژیکی. بە لێهاتوویی زۆر لە تێپەڕاندنی ئاستەنگەکان و داهێنانی پلان و بیرۆکەی نوێ بەبێ چاولێکەری دەناسرێتەوە، هەروەها توانایەکی ناوازەی هەیە لە قۆستنەوە و وەبەرهێنان لە دەرفەتەکاندا.

ئەزموونی پیشەیی و کار

1. دامەزراندنی نەهج العێراق: کارەکانی  بە فرۆشتن و دابەشکردنی پارچەی یەدەگی ئۆتۆمبێل دەستپێکرد تا گەیشتە ئاستی فرۆشتنی کۆمەڵ (جوملە). دواتر کارەکانی فراوانتر کرد بۆ بازرگانی ئۆتۆمبێلی نوێ و بەکارهاتوو، تا گەیشتن بە ئامانجە گەورەکەی کە نوێنەرایەتیکردنی براندە جیهانییەکانە وەک بریکاری تاقانە.
2. باوەڕبوون بە پیشەسازی چین: بەهۆی باوەڕی تەواوی بەوەی چین گەورەترین بەرهەمهێنەرە و خاوەن تەکنەلۆژیایەکی بەرزە، توانی نەهج العێراق بکاتە پێشەنگی براندە چینییەکانی ئۆتۆمبێل لەسەر ئاستی ڕۆژهەڵاتی ناوەڕاست.
3. بنیاتنانی هاوبەشی: دروستکردنی پەیوەندی ستراتیژی لەگەڵ بانکەکان، کەرتە حکومی و تایبەتەکان، میدیا، دابینکاران و وەبەرهێنەران بۆ گەشەپێدانی کارەکان.
4. پەروەردەکردنی نەوەی تازە: لێهاتوویی لە پێگەیاندنی سەرکردە و بەڕێوەبەری نوێ، گواستنەوەی ئەزموونەکان بۆ گەنجان و چاندنی ڕۆحی دڵسۆزی و بەرپرسیارێتی لە ناو فەرمانبەراندا. ئەو وەک "سەرکردە" مامەڵە دەکات نەک تەنها "بەڕێوەبەر".

ئامانج

کۆمپانیای نەهج العێراق هەوڵدەدات براندەکانی Great Wall و Haval بکاتە براندی ژمارە (١) لە نێو هەموو براندە چینییەکانی ئۆتۆمبێل لە عێراق و ئوردن.

دیدگا

1. پەرەپێدانی مرۆیی: گۆڕینی ستافی کار بۆ تیمێکی بەرهەمهێن و ناوازە کە خاوەنی ئەزموونێکی جیهانی بن لە ڕێگەی مەشق و ڕاهێنانی بەردەوام.
2. خزمەتکردنی کۆمەڵگە: دابینکردنی ئۆتۆمبێلی پێشکەوتوو بە نوێترین تەکنەلۆژیا کە لەگەڵ خواست و خەونی گەنجان و هەموو چینەکانی کۆمەڵگە بگونجێت، بە نرخێکی زۆر گونجاو.
3. جیاوازی لە خزمەتگوزاری: هەنگاونان بەرەو پێشکەشکردنی خزمەتگوزارییەکانی فرۆشتن و پاش فرۆشتن بە شێوازێکی بێوێنە کە هیچ کۆمپانیایەکی تر نەتوانێت ڕکابەری بکات، و هەمیشە هێشتنەوەی ماوەیەکی سەلامەت لە نێوان خۆیان و ڕکابەرەکانیان لە ڕێگەی داهێنانی بەردەوام.
4. فراوانبوون: گەیاندنی براندەکان بۆ هەموو شارە گەورە و بچووکەکانی عێراق و ئوردن لە ڕێگەی کردنەوەی بنکە و پێشانگای نوێ.